Publikasiedatum: 16 February 2024
 
Op skool was ôs gelee met patrone om cursive te skryf. En gelee tel
sône om ôs vinges te gebryk. En kyk nou vi ôs, ôs met ôs nommes
en somme wat meer veloorit as wat ôs ooit kan tel, ôs met ôs mooi
handskrifte en nieman om voo te skryfie.
In haar verrykende memoir skryf Charmaine Africa op narratiewe
wyse, en in Kaaps, oor haar grootwordjare in Bishop Lavis. Haar
lewensverhaal, wat verras met humoristiese oomblikke, sentreer op
die alledaagse bestaan van haar familie vanaf die 1960’s: haar ma,
Amma, wat spartel om haar werk en gesin bymekaar te hou; haar
alkoholis-pa; haar susters wat ook ’n verbete stryd in hul eie huwelike
voer; haar broers wat uiteindelik voor die drankduiwel swig; en haar
eie ontwikkeling as kind tot ’n jong vrou wat ’n onvermydelike siklus
probeer veg.
Amma gee ’n stem aan die oorlewingstryd op die Kaapse Vlakte en ’n
eerlike blik op die kringloop van kru armoede. Die vertelling is
onopgesmuk, hartverskeurend en meesterlik.

Oor die skrywer
Charmaine Africa is in Bishop Lavis gebore. Sy was al, onder andere,
boekhouer, kassier en kok. Tussen haar ses kinders is daar nou al
sewe kleinkinders. Sy vul blokraaisels in met ’n pen en woon in Pinati
Estate in Kaapstad. Amma is haar eerste boek.